allauto.ge

ავარია (იტალ. Avaria, არაბულიდან "ავარ" – დაზიანება, ზარალი) – საგზაო-სატრანსპორტო შემთხვევა, დაზიანება, ზიანი, მანქანის, სატრანსპორტო საშუალების მოულოდნელი გამოსვლა მწყობრიდან; გარკვეულ ადგილას ობიექტზე შექმნილი საშიში ტექნოგენური შემთხვევა, რომელიც საფრთხეს უქმნის ადამიანთა სიცოცხლეს, ჯანმრთელობას და იწვევს შენობა-ნაგებობების, მოწყობილობებისა და სატრანსპორტო საშუალებების დაზიანებას, საწარმოო და სატრანსპორტო პროცესების მოშლას, აგრეთვე ზიანს აყენებს მის ირგვლივ ბუნებრივ გარემოს.

მექანიკური ტრანსპორტის პირველ ავარიად შეიძლება ჩაითვალოს ავარია, რომელიც შეემთხვა ფრანგ გამომგონებელს კიუნიოს ორთქლის ოთხთვალაზე. ორთქლის მანქანით სასინჯი რეისის დროს მან ვეღარ დაიმორჩილა საჭე და შეეჯახა ქვის ღობეს. ოთხთვალას ქვაბი მიწას დაენარცხა და გრუხუნით აფეთქდა, კიუნიო კი საავადმყოფოში წაიყვანეს.

ითვლება, რომ XX საუკუნეში მსოფლიოში საგზაო შემთხვევებში დაიღუპა 30 მლნ. ადამიანი.