Mercedes-Benz 

Mersedes-Benz

Cadillac

Cadilac

• ავტოდრომი

---

ავტოდრომი (წარმოდგება სიტყვებისგან ავტომობილი და ბერძნული dromos-გან – შეჯიბრების ადგილი) – ჩქაროსნული ავტომობილების შეჯიბრის ჩატარებისა და ავტომობილების გამოცდისათვის განკუთვნილი ტერიტორია.
ტრანსპორტის მოძრაობისა და მაყურებლებისაგან იზოლირებული ავტოშეჯიბრისა და გამოცდისათვის განკუთვნილი საგანგებო ჩქაროსნული გზების აგება დაიწყეს XX ს. დასაწყისში, რადგან გახშირდა ტრასიდან გადასული ავტომობილების მიზეზით მაყურებელთა მსხვერპლის შემთხვევები.
ამ პერიოდში ტრეკები აიგო მთელ რიგ ქვეყნებში: ინგლისში – ბრუკლენდის ტრეკი(1906), აშშ-ში – ტრეკი ინდიანაპოლისში(1907), იტალიაში – მონცას ტრეკი(1910), საფრანგეთში – ტრეკი მონლერის მახლობლად(1924)
ჩვეულებრივ, ავტოდრომს გააჩნია სარბოლო ტრეკი სიგრძით 3-10 კმ და სიგანით 10-18 მ. ასევა გათვალისწინებულია მაყურებელთა ტრიბუნები და საგანგებო მოედანი ავტომობილების ან მოტოციკლების  ფიგურული ტარებისათვის.