Mercedes-Benz 

Mersedes-Benz

Cadillac

Cadilac

• ვოლვო

---

 

ვოლვო (Volvo Car Corporation) - შვედური სამრეწველო კონცერნი, აწარმოებს სატრანსპორტო საშუალებებს და სხვა პროდუქციას. ამჟამად შედის ფორდის შემადგენლობაში. 1925 წ. 16 დეკემბერს ბიზნესმენმა ასაარ გაბრიელსონმა და ინჟინერმა გუსტავ ლარსონმა დადეს ხელშეკრულება ავტომშენებელი საწარმოს ორგანიზების შესახებ შვეციაში, სახელწოდებით “ვოლვო” (Volvo) , რომელიც შვედურად ნიშნავს “მე მივექანები”. პირველი მოდელი გამოვიდა 1927 წლის აპრილში. მოდელმა "OV 4" მიიღო სახელწოდება “იაკობსი” (Jacobs). “კაბრიოლეტის” ხის ძარა მოპირკეთებული იყო თუნუქით. ამ ხუთადგილიანი ავტომობილის სიმძლავრე იყო 28 ცხ.ძ. და ავითარებდა 60 კმ/სთ მაქსიმალურ სიჩქარეს. 30-იან წლებში კომპანიამ გამოუშვა მსუბუქი ავტომობილების მოდელების სერია  "PV 651", "PV 653" (1933), "TR-675-679" (1934), "PV 36"(1935), "PV 5.1"(1936). ომის შემდეგ ფირმამ დაიწყო მუშაობა ადამინების მაქსიმალური უსაფრთხოების დაცვის უზრუნველყოფისთვის. მისი ლოზუნგი გახდა: “ჩვენ ავტომობილი არ გამოგვიგონია, მაგრამ ჩვენ ვადგენთ უსაფრთხოების სტანდარტებს”. 1944 წ. სტოკჰოლმში გამართულ ავტოგამოფენაზე წარმოდგენილი იყო მოდელი "PV 444"  “ტრიპლექსის” საქარე მინით. “ვოლვოს” ავტომობილებზე დაიწყო უსაფრთხოების ქამრების დამონტაჟება.
60-იან წ.წ. კომპანიამ დაიწყო თავის ავტომობილებზე მოწყობილობათა რბილი პანელის, მუხრუჭის გამაზლიერებლის ადმონტაჟება, მუხრუჭთა ორკონტურიანი სისტემის დანერგვა. პირველად “ვოლვოს’ ავტომობილებში დაიწყეს ძარის წინა და უკანა ენერგოშთანმთქმელი სექციების გამოყენება, რომლებიც უზრუნველყოფდნენ სამგზავრო განყოფილების ხელშეუხებლობას.
1975 წ. ესპანეთში “ვოლვოს” მიენიჭა “წლის ყველაზე უსაფრთხო ავტომობილის” წოდება, ხოლო 1989 წ. აშშ-ს საგზაო უსაფრთხოების დაზღვევის ინსტიტუტმა “ვოლვო 740”-ს მიანიჭა “ყველაზე უსაფრთხო ავტომობილის” წოდება.
1991 წ. “ვოლვომ” თავის მანქანებში შემოიღო გვერდითი დარტყმისგან დაცვის ახალი სისტემა და უსაფრთხოების ქამრების  ავტომატური რეგულირება. მას შემდეგ კომპანია ითვლება მსოფლიოში ყველაზე უსაფრთხო ავტომობილების დამამზადებელ ერთ-ერთ წამყვან ფირმად.
90-იან წ.წ. “ვოლვომ” წარმოადგინა ახალი მოდელების მთელი რიგი, მათ შორის: "S90/V90" (1994), "S40/V40"(1995), "S70/V70"(1996), "S80"(1998). “ვოლვოს” ყველაზე სწრაფ ავტომობილს  “S70R” აქვს ძრავის სიმძლავრე 250 ცხ.ძ.
“ვოლვოს” მარკის ავტომობილების საერთაშორისო აღიარება გახდა ძირითადი სტიმული კონცერნ “ფორდისთვის”, რათა 1999 წ. 6,5 მლრდ. დოლარად შეეძინა კომპანია “ვოლვოს” ქვეგანყოფილება.